關於我們

唔止砌機咁簡單。More than just a System Builder.

飛馬電腦唔單單係一個 Youtube Channel,一間提供砌機服務既電腦公司咁簡單。
我地係打造一個平台,等更多香港人認識電腦,DIY 同科技產品,從用家方面擴大呢個圈子
希望係將來,用家呢個群體係電腦科技消費產品有更大影響力,可以好好認識同利用科技。

點解咁多年來,深水埗既銷售模式都係無變過?

要等啲唔識電腦既小白擔驚受怕,驚去深水埗比人呃?
君子愛財,取之有道。我阻止唔到各種各樣既取巧手法,例如用工程樣版 CPU,垃圾火牛,翻新零件,或者 bait and switch;
我可以做既,就係開一個 Youtube 頻道同埋賣電腦產品,等更多人認識如何揀一部好電腦,認識同認同我地既理念。
​​係呢度,無論你係齋問定想買,售前定售後,只有你有問題,我地幫到既都盡量幫,你買既唔係只係一部電腦,仲係一份服務同埋支持緊我地背後既理念。

​​電腦用料

我地所用零件全部係我地挑選過既牌子同型號,唔會為求利潤而買一啲不知名既牌子型號
用料差既電腦,新買用落無乜分別,但係日子耐左,用料,廠商設計等問題會慢慢浮現
最容易分辨既方法,就係睇賣家有無列明牌子,因為好既零件,零件唔怕比人知牌子同 model
上網都容易 search 到相關評價,相反….
係我地呢度買,係你真正落單購買之前,一定會有詳細報價單列明所有零件同收費,貨真價實不特止,仲會為你特別要求,選擇最適合你既零件。

​保養

我地相信係你買完電腦番去之後先係真正係服務既開始,所以係飛馬電腦砌機,除左頭五年免人工檢查維修之外,零件係保養期內會幫你代送代理維修,仲包首年上門維修。